మైదుకూరు: తెలుగు భాష పరిరక్షణలో ప్రతిఒక్కరూ తమ వంతు కృషి సలపాలని తెలుగు భాషోద్యమ సమాఖ్య రాయలసీమ ప్రాంత కార్యదర్శి తవ్వా ఓబుల్ రెడ్డి పిలుపిచ్చారు. అంతర్జాతీయ మాతృభాషా దినోత్సవాన్ని పురస్కరించుకుని కడప జిల్లా మైదుకూరు మండలం శెట్టివారిపల్లెలో శనివారం(21-02-2013) మాతృభాషా దినోత్సవం ఘనంగా జరిగింది.  తాత్కాలిక ప్రధానోపాధ్యాయుడు కె.ఓబులేశు అధ్యక్షతన జరిగిన ఈకార్యక్రమంలో ముఖ్య అతిధిగా పాల్గొన్న తవ్వా ఓబుల్ రెడ్డి మాట్లాడుతూ  ప్రపంచంలో వివిధ భాషలు అంతరించిపోతున్న తీరును వివరించారు. తెలుగు భాష విస్తృతినీ, గొప్పతనాన్ని గురించి విద్యార్థులకు తెలిపారు. తెలుగుభాషొద్యమ సమాఖ్య కెంద్ర కమిటీ అధ్యక్షులు డాక్టర్ సామల రమేష్ బాబు నాయకత్వంలో తెలుగు భాష పరిరక్షణకు గత పదేళ్ళుగా జరుగుతున్న ఉద్యమం గురించీ, అందులో “నడుస్తున్న చరిత్ర”  పత్రిక నిర్వహిస్తున్న భూమికను గురించి ఆయన వివరించారు. ఈ సందర్భంగ్గా నిర్వహించిన పద్యపఠన, వకృత్వ పోటీల్లో విజేతలుగా నిలిచిన విద్యార్థినీవిద్యార్థులకు బహుమతులను అందచేశారు. తమ మాతృభాష అయిన తెలుగు భాషను పరిరక్షించుకుంటామని ఈ సందర్భంగా ప్రతిజ్ఞ చేశారు. ఈకార్యక్రమంలో వేమన సాహితీ పీఠం అధ్యక్షుడు కర్నాటి రాజశేఖర్ రెడ్డ్డి, ఉపాధ్యాయులు రమణారెడ్డి, వెంకటరామిరెడ్డి, రవికుమార్, తెలుగు భాషాభిమానులు పాల్గొన్నారు   .